Сіла ўяўлення перамагае сілу ўлады

Елачныя цацкі [2]

2009-12-27T22:01:03Z

Вучымся ўпрыгожваць ёлкі. Частка 2.
Гэтая серыя здымкаў - пра тое, як упрыгожаная ёлка ў Бундэстагу. Дзеці Нямеччыны кожны год дасылаюць туды свае пажаданні і некаторым шасціць трапіць на ёлку. Яны мараць пра тое, пра што і ўсе малыя свету - каб не было бедных, каб не галадалі дзеці ў Афрыцы, каб былі здаровыя тата і мама...
Беларускім чыноўнікам яшчэ вучыцца і вучыцца. Як упрыгожваць ёлкі, так і ўсяму-ўсяму астатняму.

Елачныя цацкі [1]

2009-12-27T21:47:30Z

У Берліне на блышыным рынку знайшла казачныя елачныя цацкі, нібыта з іншага вымярэння. Старыя-старыя, з пап'е-машэ, пакрытыя лакам... Я думаю, гэта знаходка году )
З Калядамі вас і надыходзячым Новым годам.

People of the sea [4]

2009-11-15T00:11:47Z

Навучыцца назіраць. А пасля - навучыцца фантазіраваць.

People of the sea [3]

2009-11-15T00:01:50Z

За гледачамі часта сачыць цікавей, чым за акторамі.

People of the sea [2]

2009-11-14T23:55:31Z

Настрой ну вось прыладна такі. Чытайце па колерах.

Знята ў Гданьску ў верасні.

Яшчэ раз з Днём народзінаў, Ніка!

2009-10-25T17:52:06Z

Адзначылі ДН нашай любімай бландзінкі tensia, якую на час дэпартавалі з Польшчы. Ну, ня тое, каб дэпартавалі, але ў палякаў, як ведаеце, парадку няма ) Ну нічо, Ніка, мы ім яшчэ за цябе пакажам )

Правы чалавека і медыя

2009-10-19T23:50:27Z

Медыя-студыя «ПОСТ» запрашае да ўдзелу ў адукацыйнай праграме «Правы чалавека і медыя-сродкі». Праграма ўключае ў сябе:
- Арыентацыйныя сэмінары* (Мінск, Беларусь)
- Медыя-трэнінг (Мюнстэр, Нямеччына)
- Міжнародны адукацыйны сэмінар (Ваймар, Нямеччына)
- Працу міні-груп па стварэнні медыя-прадуктаў, прысвечаных розным аспектам тэмы правоў чалавека
- Круглы стол (Мінск, Беларусь)

Да ўдзелу ў праграме запрашаюцца маладыя людзі, зацікаўленыя ў тэме правоў чалавека, а таксама ў магчымасці працы з рознымі аспектамі гэтай тэмы праз медыя-сродкі.

Калі вы хочаце стаць удзельнікам праграмы, трэба запоўніць і даслаць анкету на адрас post.mediastudio@gmail.com. Дэдлайн: 22 кастрычніка. Пра вынікі будзе паведамлена не пазней за 24 кастрычніка.
*Арыентацыйныя сэмінары запланаваныя на 31.10-1.11.2009 і 7-8.11.2009.

Тут можна прачытаць пра праграму спампаваць анкету. Увага - дэдлайн праз 2 дні!

Восень

2009-10-19T23:15:46Z

Мне ўжо цяжка вызначыць, жыву я ўсё яшчэ ў Курасоўшчыне ці ўжо на Кісялёва.
У любым выпадку, я вельмі люблю Курасоўшчыну, у якой вырасла. Нядаўна высветлілі, што можна ўводзіць панятак "тыповае курасоўшчынскае дзяцінства". І па сваім дзяцінстве я выпадкова аказалася поўным клонам Ірыны Віданавай.

З няпошчанага

2009-10-18T23:15:05Z

Я абсалютна не сумую па леце. Не люблю леты. Лета - гэта як пастаянная нядзеля пасля добрай пятніцы і выдатнай суботы. Восень тут як жорсткі, але праўдзівы і вельмі доўгачаканы панядзелак. Восенню ўсё куды цікавей. Восенню сустракаюць сапраўдныя каханні і пачынаюць новае жыццё.
Але для тых, хто рапатм сумуе па леце-2009, а таксама для тых, хто любіць, як і я, падглядаць за чужым жыццём, вось гэтыя карцінкі. Назбіраліся.

Never Give Up

2009-10-12T22:10:22Z

Нерэальны проста загруз з працай. Але уся-уся праца - яна такая, якая мне падабаецца і рабіць яе - адно задавальненне. Я даўно марыла нарэшце пачаць маляваць ілюстрацыі і нарэшце падвярнулася такая магчымасць. +дызайны для сацыяльных праектаў (некаторыя нават вельмі крэйзі і вы пра іх палюбому пачуеце праз пару месяцаў) і яшчэ куча ўсяго, што патрабуе ўвагі. Я вельмі рада, што падварнулася кніга Яны Франк пра арганізацыю творчай працы вельмі ў час.

Прыязжаў да нас амерыканец Дэніэл, з якім некалькі тыдняў назад пазнаёміліся ў Гданьску. Ён ужо пару месяцаў падарожнічае па Еўропе. Яго ўражанні пра Менск: сказаў, што тут адчувае сябе як дома (як у Вашынгтоне). От такое вельмі дзіўна было пачуць. Дзе там для нас той Вашынгтон....
Калі распавядаеш замежніку пра Менск, бібліятэку, лядовыя палацы і усім_вядомага_чалавека, то ўжо пачынае здавацца, што прэзідэнт - гэта нейкая міфічная істота. Ну.. Як Цмок з легендаў.
Я збанальнічала. Запыталася 5 рэчаў, якія яму спадабаліся ў Менску. 1. nice people 2. бібліятэка. 3.Панікоўка 4. піўнуха Аліварыі. тая самая) 5. танныя цыгарэты
І яшчэ сказаў, што нідзе такога ня бачыў, каб, калі ў краме даеш адну купюру, рэшты табе давалі цэлых 18 купюр.

А на фотаздымку ў мяне з галавы расце дрэва) Вы ўжо заўважылі?

І яшчэ. Мы шукаем кватэру. У раёне Кісялёва ці проста ў раёне пл.Перамогі, Белай вежы ці Кірава-Маркса. Калі раптам у каго знаёмыя такімі штукамі займаюцца ці ёсць нейкія варыянты - будзем вельмі ўдзячныя.

People of the sea

2009-10-05T13:37:32Z

Мы бачылі мора. Халоднае, вялікае мора. У якім ніхто не купаўся, а таму яно было сапраўдным і падзялілася настроем.
На здымках - Гдыня і Сопат.

У мяне пачалі рэзацца зубы мудрасці. Падаецца, лепей быць ня мудрай, але каб не балела.

Сёння патэлефанавалі - 5 маіх фотаздымкаў адабралі для выставы фотаконкурса ад газеты "Беларускі час". Я ўжо і не спадзявалася, што патэлефануюць. А тут цэлую серыю пра вокны +яшчэ адзін вясновы фотаздымак. І тут ёсць над чым задумацца. Усе здымкі, якія адабралі, былі знятыя на мой стары fuji 5700 (мыльніца), калі яшчэ ў мяне не было люстранкі. І гэта лішні доказ таму, што ўсё ня так залежыць ад тэхнікі, як многім бы хацелася.

А на апошнім здымку можна пазнаць мяне )

Talk to me

2009-10-04T23:35:50Z

Music

2009-09-29T21:50:23Z

Апошнімі днямі адбыліся 2 вельмі значныя музычныя падзеі.

1. Нарэшце выйшаў сінгл Пашы Кузіча і яго гурта "Існасць". Цікава было сачыць, як развіваюцца падзеі, як гэты гурт расце. Мне пашчасціла быць на адной з самых першых рэпетыцыяў, калі хлопцы толькі пачалі знаходзіць новае гучанне. Вось, напрыклад, гэты здымак адной з першых сапраўдных рэпетыцый (8 лютага 2008). Можаце ацаніць колькі часу хлопцы працавалі для таго, каб знайсці сябе. І знайшлі.
Яшчэ прыемней, што на вокладцы - дзіцячы здымак майго сябра Макса, выдатнага дызайнера і вельмі добрага фатографа, які дапамагае гурту займацца візуалам.

Спампаваць сінгл можна тут.

2. Ну, а другая навіна для таго, каб вы не казалі, што вы гэтага ня бачылі ) Новы прэм'ерны кліп РСП глядзець тут!
Прэзентацыя прайшла ў пятніцу ў "Ў" на вечарынцы 34:FACES>

34:Faces

2009-09-28T12:22:21Z

Фоты з тусні пад Менскам. Працяг таго, што адбывалася ў "Ў" ў пятніцу.
На здымках, акрамя беларусаў, прысутнічаюць: 1 эстонка з muusa.eu, 2 полькі з Aktivist'у і 1 немец з берлінскага Dummy.

Toi mon amour, mon ami...

2009-09-23T20:10:57Z

Памятаеце песеньку з фільма "8 femmes"? Вядома, пра каханне.

One shot. Gdansk. Park Oliwski

2009-09-23T14:03:28Z

Мне падаецца, словы будуць залішнімі.

34 Gdynia film fesival

2009-09-22T21:54:08Z

Думаю, вельмі сымбалічна не толькі тое, што мы засталі фестываль, а яшчэ і лічба, якая абазначае тое, які раз гэты фестываль праводзіцца )
Мы не былі на фестывалі. Проста міма праходзілі ) Па дарозе да мора.

Далей - каляровыя здымкі.

One shot. At Sea.

2009-09-22T21:15:28Z

Дзэн

2009-09-21T17:58:20Z

Мы краналі халоднае мора, набывалі шалікі, бо марскі вецер неспакойны і робіць так, каб балела горла. А гэты здымак - ён пра каханне.

Нагадваю, што можна заходзіць у бар "Лондан", каб паглядзець там на маю выставу.
А з марскога краю здымкі ўжо можна часткова пабачыць на маім flickr. У жж будзе болей, але пазней, калі разграбуся з гарой справаў, якія зараз рабіць адно задавальненне. Я паспяваю зрабіць столькі, што сама ў гэта не магу паверыць. І ніякай стомы. Жыццё зноў бяжыць-ляціць лоўкостамі.

Калі вельмі хочацца - то можна. Выстава

2009-09-13T08:49:54Z

Вось і афіша падаспела.
Дзесьці з панядзелка-вечара сказалі, што ўжо можна заходзіць ) Буду рада пачуць любыя водгукі.
Яшчэ раз дзякуй Паліне, Ірачцы, Сашу і Юрыю Вінаградаву.

Выстава

2009-09-11T17:40:39Z

Падкідваю сюды папярэднюю інфу.
Усё ўзгоднена і... у бары "Лондан" ужо на наступным тыдні можна будзе паглядзець на шмат якія мае фотаздымкі.
Заўтра падаспее афіша і апісанне на 4-х мовах. Насамрэч, вельмі-вельмі хвалююся. Яшчэ і таму, што мяне ня будзе ў Менску на наступным тыдні і я пабачу ўсё толькі ў канцы наступнага тыдня па прыездзе.

Афіша

2009-09-11T13:05:46Z

Тут папрасілі мой фотаздымак выкарыстаць для афішы. Даслалі, што атрымалася. Выкладаю, бо, можа, хтосьці захоча прыйсьці на мерапрыемства. Мяне самой там ня будзе, буду збіраць чымаданы да вандроўкі.

Сам фотаздымак - тут

One shot. The doors, Bremen.

2009-09-08T20:58:58Z

Урыўкі менскага жыцця

2009-09-04T00:18:33Z

Ніка

2009-09-03T22:53:06Z